Astelehenean irekiko du Eusko Jaurlaritzako Hezkuntza sailak eskola publikoetan izena emateko epea, eta hori aprobetxatuz, ate irekiak antolatu ditu Ereñotzuko Txirrita Ikastetxeak. Astelehenean bertan bisitatu ahal izango da eskola, eskola-orduetan zehar, familiei hobekien datorkien orduan: goizean, 09:00etatik 12:30etara; eta arratsaldean, eguerdiko 14:30etatik 16:00etara. Informazio gehiagorako, ikastetxera deitu daiteke: 943 55 42 56.