Postarien lan esperientzietan oinarritutako antzezlan umoretsua ikusteko aukera izango da gaur, familian, Biteri kultur etxean, 12:00etan hasita. Benetan Be konpainiak Inondik inora obra antzeztuko du, 4 urtetik gorakoei zuzenduta.
Sarrerak salgai daude Biterin bertan, 3 eurotan.
Diziplina eta hizkuntza desberdinak, antzezlan berean bilduta
Kontatuko duten istorioaren muinean postarien lanbidea dago. Postariek egiten duten lana, «etxerik etxe, kalerik kale, mendirik mendi, bide, aire eta itsaso zabaletan zehar ez da lan makala», aktoreen esanetan. «Ezin da inondik inora paketerik zabaldu, gutunik ireki edo postalik irakurri», azaldu dute. Hortik, antzezlanaren izenburua.
Guztia kontatzeko, umorea erabiliko dute, eta hainbat diziplina nahastu: poesia eta zuzeneko musika izango dira, eta aktoreen lanaz gain, panpinak ere agertuko dira.
Zuzeneko musika, poesia eta panpinak erabiliko dituzte, eta euskera eta ingelesa
Horrez gain, euskera eta ingelesa nahastuko dituzte.
Guztiarekin, «jakinmina eta desobedientzia sustatzen dituen haurrentzako antzezlana» antzeztuko dute gaurkoan, Aiora Sedano, Leire Utxa eta Patricia Urrutia aktoreek. Testuak eta zuzendari lanak ere Patricia Urrutiarenak dira.
Antzezlanak 50 minutuko iraupena izango du.