Olatz Arrieta astigartarrak eta Hernaniko Pelota Munduko ordezkariek hartu zuten protagonismoa, bi herrietako txotx irekieretan. Baina herritarrek ere ez zuten galdu nahi izan, txotx denboraldi berriaren aurreneko festa.
Hernanin, asko eta asko izan ziren, sagardo berria dastatzeko aukera galdu ez zutenak; eta omenduen ondoren, kupelara gerturatu ziren, ilara luzean.
Astigarragan, berriz, ekitaldi ofizialaren ordu berean, txotx irekiera herrikoiari eman zioten hasiera, Murgia Jauregian. Sagardoa edan eta pintxoak jateko aukera izan zuten bertaratuek, eta baita irekiera ofiziala zuzenean jarraitzekoa ere. Arratsaldean segi zuen festak bertan, Txan Magoaren ikuskizunarekin eta txokolatadarekin; eta trikitilareien erritmora, tabernetan borobildu zuten festa, Pintxotx eginez.