DYAko Irakaskuntza Eskolak hitzaldia eta tailerra antolatu ditu datorren asterako, eta izenematea irekita dago, 943 46 46 22 telefonoan. Aurrenekoa, Lehen Sorospenen inguruko hitzaldia izango da, urtarrilaren 23an, 19:00etatik 21:00etara, eta doan. Bigarrena, berriz, Bihotz-Biriketako Suspertze tailerra izango da, urtarrilaren 26an egingo dena, 17:00etatik 19:00etara. Kasu honetan, heldu bakoitzak 6 urtetik gorako hiru umerekin eman dezake izena, familian egiteko tailerra baita. 17 urtetik beherakoentzat doan izango da, baina helduek 8 euro ordaindu beharko dituzte. Bi saioak DYAk Urnietan, San Juan 42an daukan ordezkaritzan egingo dira.