Datorren asteazkenean eginen dute, Goizuetan Lan eta Bizi jardunaldien hirugarren saioa. Udaletxeko pleno aretoan izanen da, arratsaldeko 18:00etan hasita, eta nekazaritza eta abeltzaintzako bi esperientziari buruz hitz egingo dute. Saioa irekia da, «besteen esperientziak ezagutuz ikasi nahi duten guztientzat».
Aitor Azkarate eta Kristina Saralegi izanen dira gonbidatuak, oraingo txandan. Jauregia Esnekiak enpresa familiarraren parte da Azkarate, Baztango Aniz herrian: «ikusi dugu, lurra, animalia eta kontsumitzailea errespetatuz, bizi daitekeela nekazaritzatik eta herri txiki batean». Beraiek jarri zuten estatuko aurreneko esne makina, Elizondon, ideia. Italiatik ekarrita.
Saralegi, bere aldetik, abeltzaina eta talogilea da, Leitzan: «gazte gaztetatik lotu ninduen bizitzak, hain maite dudan oraingo bizimoduari. Baserria animaliekin, eta taloak».