Helduentzako informatika ikastaroa antolatu du Goizuetako Udalak, Nafar Lansarearekin eta Goizuetako Eskolarekin batera. Urtarrilaren 29an hasiko da, eta astearteetan izanen dira saioak, arratsaldeko 17:00etatik 19:00etan. Bi ostegunetan ere eginen dute saio bana, eta guztira, hamar egun izanen dira.
Eskolako informatika gelan izanen da, Iñaki Etxeberriaren eskutik; teknologia berrietan afizionatua da bera. Ordenagailua, mugikorra eta internetaren erabilera landuko dute, oinarrizko mailan.
Doakoa izanen da, baina 12 lagunentzako dago tokia, eta izena eman behar da aurrez, udaletxean, hilaren 25era arte. Goizuetan erroldatuek, lehentasuna izanen dute.