«Udaltzaingoa erasotzearen aurka», EAJ

Udaltzaingoaren kotxe ba­te­an agertu diren pintadak sa­latu ditu Andoni Amonarraiz, EAJko bozeramaileak. Igan­de­an, ‘ACAB’ siglekin margotuta agertu ziren; «polizia mota guz­­tien aurka muturreko ko­lek­tiboek erabiltzen dituzten si­glak dira, eta ‘polizia guztiak sa­sikumeak dira’ esan nahi dute», azaldu du.

Gertaera salatzeaz gain, adierazi dute «ulertezina» egi­ten zaiela, «gaur egun, orain­dik ere gure udal­tzai­n­go­aren kontrako horrelako ekintzak ger­tatzea». Era berean, «gerta­tu­ta­koa argitzeko ikerketa ire­ki­tzea» espero dutela azaldu dute, eta «desberdintasunak kon­pontzeko hitza erabiltzean si­nesten» dutela, eta «mu­tu­rreko ideologien inposizioak onartzen ez» dituztela.

Bukatzeko, «orain eta beti EAJren babesa» izango duela ja­kinarazi diote Hernaniko udal­tzain­go­ari, «honelako eta bes­telako erasoen aurrean».