Aurrerapauso garrantzitsua salbazio bidean

Irabazi behar den partidu horietakoa jokatu zuen atzo Hernanik, Landaren, eta ez zu­en hutsik egin. Aurkari zuzen bat zuen aurrean, La Vila, eta hernaniarrek 22-16 hartu zituz­ten mendean. Hori bai, lau pun­tuak lortzeko, izerdia go­gotik bota behar izan zuten Polidorik zuzentzen dituen jokalariek. La Vilak ez zuen inoiz etsi eta gauzak oso zail jarri zizkion Hernaniri lehen­dabiziko minututik.
Partidu oso lehiatua, borro­katua, gogorra eta parekatua iku­si zuten Landarera hur­bil­du ziren zaleek. Hernanik au­rrea hartu zuen marka­gai­lu­an, bai­na kanpotarrek azkar eran­tzun zuten eta lehen­dabiziko minu­tuetan 5-7 ziren au­rretik. Oier Garmendiaren lehenda­biziko entseguarekin Hernani, berriz ere, aurretik jarri zen, 12-7, eta ez zuen au­rrea utzi amaitu bitartean. Hori bai, atsedenal­dira mar­ka­gailu oso estua­re­kin iritsi zi­ren, 12-10.
Aldageletatik bueltan nor­gehiagoka ez zen askorik alda­tu. Hernanik majo sufri­tzen jarraitu zuen, nahiz eta Oier Garmendiak etxekoen hiru­garren entsegua eta bere biga­rrena lortu. Ostikada zaila sar­tu zuen Elosegik eta 22-13 jarri ziren aurretik. Hala ere hamar minutu faltan sei puntura hur­­bildu ziren kanpokoak eta azken minu­tuak nerbioz josiak egon ziren. Azkenean garai­pe­na etxe­an geratu zen era­soko bonu­sarik gabe geratu arren.
Hernanik azken postua hamabi puntura hurrundu du eta laura promozioa.