Binakakoa bukatu eta berehala egokitu behar izan dute erremontistek, buruz buruko lehiara. Izan ere, dagoeneko martxan da Buruz Buruko Masterra, eta gaur ekingo dio, Endika Barrenetxea hernaniarrak.
Ezkurra IIren kontra ariko da, torneoaren final laurdenetan. Arratsaldeko 16:00etan hasiko da jaialdia Galarretan, eta bigarren partidua izango da beraiena, ikusmin haundiena piztuko duena. Barrenetxea da faborito, baina Ezkurra espezialista da buruz buru, eta zail jarriko dio garaipena. Irabazteko, bere kolpea aprobetxatu beharko du hernaniarrak, eta sakearekin asmatu.
Aurrera egiten duenak, Uterga izango du zain semifinaletan. Urtarrilaren 19an jokatuko da, eta finala, hilaren 26an.
Endika nagusi ostegunean, Azpirozen kontra
Joan den urtean finalista izateagatik ekingo dio semifinaletan, Utergak. Urriza iazko txapelduna, ordea, beste adarretik dijoa, eta dagoeneko badaki, zeinen kontra ariko den, datorren osteguneko semifinalean. Endika izango du aurrez aurre, ondo nagusitu baitzitzaion herenegun, Azpirozi (30-19).