Haurrentzako pelikula batekin bueltatuko da zinea kultur etxera, gaur. Eta urteko aurreneko saioan, Paddington hartza egongo da berriro, bere bigarren abenturarekin: Paddington 2 filma jarriko dute, euskeraz, arratsaldeko 17:00etan.
Brown familiaren etxean ondo integratuta dago Paddington, eta Lucy izebaren 100garren urtebetetzea gertu dauka. Opari perfektua dauka harentzat: antzinako gauzen denda batean ikusi duen pop-up liburu bat. Hori erosi ahal izateko, zenbait lan arraro egingo ditu Paddingtonek, baina dena konplikatuko da, liburua lapurtzen dutenean...
Pelikula ikusteko sarrerak, ordubete lehenago jarriko dituzte salgai, 2 euroan.