Goizuetan eta Iruran dauzkate zita nagusiak, asteburu honetan, esku pelotari hernaniarrek. Batetik, Umore Ona Txapelketaren finala jokatuko dute gaur, Julen Deskarga eta Oier Alegria infantilek, Oliden eta Bertiz añorgatarren kontra. Goizeko 11:00etan Goizuetan, partidu berdindua espero da.
Eta Iruran, hiru semifinal jokatuko dituzte hernaniarrek, Gipuzkoako Trinkete Txapelketan, buruz buru. Arratsaldeko 15:00etan hasita Ametsa trinketean, bi astigartar izango dituzte kontrario, Anartz Oiartzabal eta Unax Uitzi kadeteek: Eñaut Lizeaga eta Ekain Lizeaga, hurrenez hurren. Mikel Lasa jubenila, bere aldetik, Oteiza azkoitiarraren kontra ariko da.