Bukaerara iritsi da Astigarragako Udaleko gazteria sailak antolatutako Azstigazte lehiaketa; gaur egingo dute azkeneko ariketa bi finalistek: Bidegurutzek eta Pinantzak (ezizenak). Arratsaldeko 18:00etan hasita izango da, Astigarragako udaletxeko areto nagusian.
Bi lan, finalean
Bi lan izango dira gaurko finalean: bata, Gaur iaz balitz Bidegurutzerena (ezizena); eta bestea, Itsasoaren bestaldean Pinantzarena (ezizena).
Biek egindako lanen ahozko aurkezpenak egin beharko dituzte, eta ondoren, sari-banaketa egingo da.
‘Maitasuna eta laguntasuna’ gaiaren inguruan egin behar izango dute lana gazteek.
‘Maitasuna eta laguntasuna’, oinarrian
12 eta 18 urte bitarteko gazteei zuzendutako lehiaketa da Azstigazte. Aurtengoan, maitasuna eta laguntasunaren inguruan egin behar izan dute lana gazteek, eta horietan onenak dira gaur sarituko direnak.