«Euskal preso politikoak dispertsatuta, urrunduta, lehen graduan eta isolatuta daude eta gaixo larriak oraindik kartzelan mantentzen dituzte. Horien artean Gari Arruarte eta Ibon Fernandez Iradi daude», azaldu dute.
Egoera hori salatzeko, «behingoz» euskal presoak etxeratzeko eta Juan Mari Maizkurrena Okendori azken agurra emateko, manifestazioa egingo dute bihar Kalera Kalera ekimenak deituta. Gudarien plazatik abiatuko da arratsaldeko 19:30etan eta Tilosetako pasealekuan bukatuko da.
«Kartzela politika krudela»
Igandean hil zen Juan Mari Maizkurrena. «Duela urte eta erdi atera zuten kartzelatik, kalean hil zedin». Gaixotasun larria zuen Okendo-enea baserriko semeak, «baina, hala ere, ederki kosta zen kartzelatik ateratzea. Kalean egon zen bitartean hobera egin zuen zenbait momentutan, maite zuen jendearen laguntzarekin. Baina kartzela politika krudel honek igandean bete zuen heriotz sententzia. Euskal preso politikoak etxean nahi ditugu eta bizirik!», aldarrikatu dute manifestazioaren antolatzailek.