Euskal Pirinioak Askatasun Bideak elkarteak ekainaren 29 eta 30ean mendi martxa omenaldi berri bat antolatu du aurreko bi ekitaldien arrakastaren haritik tiraka. Ekitaldiari buruzko informazioaren orria eta izenematearen orria eskatu daitezke dagoeneko basquefreedomtrailsww2@gmail.com helbidean eta EPAB ezagutzeko www.bpftaww2.com web gunea erabili daiteke.
Aurtengo askatasun bidea Burdintxuruketa lepotik (Mendibe-Cize, Nafarroa Beherean) Otsagabiara izango da. Ibiltari bezala edo ez, mendi martxa historiko omenaldietan parte hartu daiteke, hori bai EPABarekin erregistratu behar da lehenik.
Orain arte iheslarien bi ibilbide arrakastatsu antolatu dituzte
2016ko abuztuan, Donostia Kulturaren Hiriburu Europarraren baitan, EPAB-ek bi martxa antolatu zituen: gaueko eta eguneko Pirinioetako bigarren mundu-gerrako iheslarien Comete ibilbidean zehar.
Pasa den ekainean, elkarteak, arrakastarekin ere, bigarren mundu-gerrako beste ihes-ibilbide bat, Nafarroako Pirinioetan zehar, antolatu zuen.