«Erakusketara naturarekin lotutako 50 argazki ekarri ditut»

Ainara Garcia argazkilari hernaniarraren Naturari begi­­­daradak argazki erakusketaren irekiera ekitaldia egin zen atzo Biteriko erakusketa gelan. Bi asteetan egongo dira bertan ikusgai bere «50 argazki inguru», Ainarak atzo bertan zioen bezala. «Natura­rekin lotutako argazkiak dira, nahiz eta azkenaldian gehiago ari naizen erretratoa lantzen».
Eskarmentu haundiko ar­gaz­kilaria da. «90garren ha­markadan hasi nintzen eta garai bateko argazkiak ekarri ditut batipat, lehenengo garaikoak. Orden bat mantendu dut, urtaroen arabera, negutik udararaino». Bakarrik egiten duen bere lehenengo erakusketa da. «Orain arte kolaborazioak egin ditut, baina inoiz ez bakarrik erakusketa bat. Pres­tatzen lagundu didate eta argazkiak aukeratzea ez da erraza izan. Haurra izan nuenetik natura eta erretratoa gehiago lantzen ditut biak uztartuz».