Eguberri txapelketari bukaera gaur, frontoian

Pelotari hernaniarrek bede­ra­tzi partdiu jokatuko dituzte asteburu honetan, bost txa­pelketa ofizial eta pribatutan.

Horietako bat da Herna­ni­ko 16 benjamin, beste 16 ale­bin eta Bu­run­tzal­de­ako 8 se­nior jokatzen ari di­ren Her­naniko Eguberri Txapelketa.

Finalak, argazkia eta sarien zozketak, frontoian
Eguberri Txapelketako azken jardunaldi honi 10:00etan eman­go zaio hasiera kirol­de­gi­ko frontoian. Aurrena, ben­jamin eta alebin mailetako finalerdiak jokatuko dira, eta 11:00etan, pelota eskolako pe­lotari guztiek denboraldiko argazki ofiziala egingo dute.

Gero, 11:30etan benjamin eta alebinetako 3 eta 4 pos­tuak eta finala jo­katuko dira.

Bukatzeko, 12:30etan se­nio­rretako finala jokatuko da: Altuna-Insausti/Salaberria-Arizmendi. Sariak banatuta, zozketak ere izango dira.

Altzako finalak, bihar
Altzako Torneoko finala, be­rriz, bihar jokatuko da, 12:00e­tan. Paul Ojuel herna­nia­rra, Asteasuko Urruzo­la­re­kin, Ioritz Arrieta hernania­rra eta Astigarragako San­txezen aurka ariko da.