Hitzarturen Hondakin Plana Aldundiari aurkeztuko zaio gaur

Abenduaren 29an Hernaniko Orona Fundazioan aurkeztu zen Hon­da­kinen Plan tek­ni­koa Gi­puz­ko­a­ko hiri hondakinak ku­de­a­tze­ko, eta GuraSOS elkarteak gaur helaraziko dio Gi­puz­koako Foru Aldundiari, eguerdiko 12:00etan.

Umeei protagonismoa eman nahi zaienez, familiek desfilea egingo dute Donostiako Elkano kaletik sartuta, dan­tza­ri­ekin, eta umeek sinatutako itxa­ro­pen mezua ere helaraziko di­e­te ordezkari politikoei.

«Gizartearekin elkarrizketa bidea zabaltzeko» eskaera
Hitzartu parte-har­tze pro­ze­su­aren bidez ga­ra­tutako Hon­da­kin Plan tekniko hau babestu egin zuten  Gu­ra­SOSek bideratutako Berme Ba­tzordeko or­dezkariek Oronan egindako aurkezpenean, eta, era berean, Gipuz­ko­ako Foru Aldundiari dei egin zioten, «gizartearekin elkarrizketa bi­dea zabaltzera» hondakinen ga­tazkaren inguruan. Ba­tzorde horretako kide dira ekitaldian parte hartu zuten Gar­biñe Bi­u­rrun epailea, Juan Jose Alvarez Zuzenbideko ka­tedraduna, Ber­nardo Atxaga idaz­lea eta Esther Larrañaga Eusko Jaurlaritzako Inguru­men sailburu ohia.

Batzordeko kide dira, baita ere, Pedro Ibarra EHUko Zu­zenbideko katedradun emeritua eta Ernesto Ganuza Iker­keta Zientifikoen Kontseilu Go­reneko titularra. «Denon artean, etorkizunekoa, behin betikoa eta hondakinen kontuarentzako bideragarria den irtenbide bat eraikitzea» aldarrikatu zuten.

Hondakinak, gordailuetan
Hain zuzen, Aldundiari emango dioten planean proposa-tzen da «aurrez bioegonkortutako udal hondakinak gordailu iner­tizatu bidez kudeatzea, zi­gi­latutako eta isolatutako gelaxketan». Dagoeneko garatua dagoen teknika dela diote, eta «erraustea baztertzen due­na, Tratamendu Mekaniko-Biologikoko planta batekin». Horretarako, Zubietako lantegia proposatzen dute.