Etxean bukatuko dute aurreneko itzulia, eta urtea hasi, bi talde nagusiek. Gaur ariko dira biak, kiroldegian.
Mutilek derbia izango dute, arratsaldeko 18:00etan hasita, Hernaniren kontra. Aurreko bi partiduak irabazita, bosgarren postura igo da Mundarro, Gipuzkoako 1go mailan, eta garaipen bakarrera daukate laugarrena, Bosteko Irauli. Lau onenetan sartzea, erronka polita dute astigartarrek, igoerako play offa jokatzeko.
Neskek, berriz, Lila Take azkeneko sailkatua hartuko dute, Gipuzkoako 2garren mailan. Goizeko 11:15etan izango da, eta garaipenen bidera bueltatu nahi dute, aurreneko postuetara gerturatzeko.