Indartsu hasiko da urtea hernaniarrentzat. Atzo izan ziren urtarrileko aurreneko kultur agendako ekintzak; horietako bat izan zen Axpik zuzendutako komikigintza tailerra, gaur eta bihar segida izango duena.
Urteko aurreneko astean egin ohi duen bezala, Urteberriko kontzertua eskainiko du gaur Goiz Eguzki abesbatzak. Arratsaldeko 19:00etan hasita izango da, jubilatuen egoitzan. Bazkide eta jarraitzaileak gonbidatu dituzte, bereziki.
Gaztetxoenentzat, ‘Goa!zen’ bihar
Bereziki gazteenek gozatzeko moduko oporrak izaten dira negukoak, eta horretarako, egitarau oparoa antolatu du aurten Udalak, biharko ekintzak borobilduko duena.
Pausoka taldearen eskutik, Goa!zen antzerkiarekin gozatu ederra hartuko dute gaztetxoenek. Bi saio izango dira; bata, 16:00etan, eta bestea, 18:00etan. Dena den, bi saioetarako sarrerak agortuta daude, aspalditik.
Baina jarduera horrek ez die Gabonei bukaera emango, hurrengo eguneko Errege Kabalgatak egingo du hori.
Horren ondoren, urteko ohiko jarduerei emango zaie hasiera, hau da, irakurketa klubari, bigarren eskuko azokari, edota Biteriko ohiko erakusketei.
Txotx denboraldiaren hilabetea, urtarrila
Urte hasiera bakarrik ez, txotx denboraldiaren hasiera ere izaten da urtarrileko protagonista. Aurten, aurrenekoz, ostiralez egingo da irekiera ofiziala Hernanin, herritarrekin batera; urtarrilaren 18an izango da hori, arratsaldeko 19:30etatik aurrera.
-GAUR ETA BIHAR Komikigintza tailerra. Begiralea: Axpi. Adina: 10-14 urte. Lekua: Biteri kultur etxea. Edukiera mugatua. Ordua: 11:00.
-GAUR Urteberriko kontzertua. Goiz Eguzki abesbatza. Lekua: Goiz Eguzki, jubilatuen etxea. Ordua: 19:00etan.
-4 Haur - Gaztetxo antzerkia: Go!azen (sarrerak agortuta). Taldea: Pausoka. Lekua: Biteri kultur etxea. Ordua: 16:00 + 18:00 (2 saio). Hizkuntza: euskera. Adina: 7-12 urte.
-5 Erregeen Kabalgata. Ordua: 18:00.
-10 Irakurketa kluba (1. saioa). Begiralea: Mari. Adina: 3-5 urtekoentzat + gurasoak. Izen-ematea: Udal Liburutegia. Espazioaren edukiera mugatua. Ordua: 17:30.
-12 Bigarren Eskuko Azoka + Kalez Kale Kantari + Erromeria. Ohiko leku eta orduetan.
-17 Ipuin kontaketa: Pello Añorga. Lekua: Biteri kultur etxea. Ordua: 17:39 (3-4 urte) eta 18:00 (5-7 urte).
-18 Txotx eguna. Ordua: 19:30.
-24 Nahasteka. Dantza ikuskizuna: Esku harriak Oteizaren (h)aria. MugMus konpainia. Lekua: Biteri kultur etxea. Ordua: 20:00. Sarrera: 7,50 euro. Sarrerak salgai urtarrilaren 1etik aurrera.
-26 Haurrentzat antzerkia: Benetan be. Inondik inora konpainia. Adina: familia osoarentzat. Hizkuntza: euskera. Lekua: Biteri kultur etxea. Ordua: 12:00. Sarrerak salgai urtarrilaren 16tik aurrera.
-30 Ipuin kontaketa. Kontalaria: Lur Korta. Lekua: Biteri kultur etxea. Ordua: 17:30 (3-4 urte) eta 18:00 (5-7 urte).
-30 Txori txikia eta Krokodiloa. Ipuinaren aurkezpena eta performantza. Aktoreak: Unai Agirre, Eñaut Agirre, Jexux Eizagirre eta Bouba. Antolatzailea: Dobera Euskara Elkartea. Hizkuntzak: euskera eta wolof. Lekua: Biteri kultur etxea. Ordua: 19:00.
Literatur solasaldiak
-9 Volver a casa, Yaa Gyasi. Amaia Garciak dinamizatuta, gaztelaniaz. 19:30etan, Liburutegian.
-15 Waterloo-n galdutakoak, Xabier Etxaniz. Ane Mayozek dinamizatuta, euskeraz. 19:30etan, Liburutegian.
Erakusketak
-5-bukaera Oroimen historikoa. Migrazioak. Egilea: Juantxo Egaña.
-8-22 Argazkia. Ainara Garcia.
-5-Otsailak 12 Erliebeko obrak. Egilea: Ainara Garcia.