Urtea bukatzera doanean, hernaniarrei zuzendu zaie Orain Hernani, haien partehartzea eskatu eta eskertzeko, eta urte berria zoriontzeko.
«Sorreratik ezarritako lau urteko zikloaren bukaeran da Orain Hernani. Lau urte daramazkigu, Orainen konfiantza eta botoa jarri zuten pertsonen itxaropenei aurre egin nahian. Hobeto edo okerrago egin dugu, baina ez zaigu inoiz falta izan ilusiorik eta herria hobetzeko lan egiteko gogorik», azaldu du taldeak. Eta nabarmendu du: «bereziki atseginak izan dira eduki ditugun topaketak, gure taldearengana proposamen, iradokizun zein kexekin hurbildu diren pertsonekin. Hernanin espazio berri bat irekitzen saiatu gara, herritarrek beraiek udal politikan aktiboki parte hartzea sustatzeko asmoz; eta benetan, umiltasunez uste dugu, herri hobe bat egiteko pertsona guztien lankidetza beharrezkoa dela», adierazi dute.
2019an, «Hernani garbiago, zainduago, irisgarriago, partehartzaileago, alaiago eta gardenago bat»
Bestalde, «azkeneko urteetan bezalaxe», urte berria zoriondu nahi izan die Orain Hernanik, hernaniar guztiei: «2019rako, Hernani garbiago, zainduago, irisgarriago, partehartzaileago, alaiago eta gardenago bat opa dizuegu; eta usain eta zarata gutxiagorekin, ahal bada. Hobe bizitzeko herri bat opa dizuegu, eta harro sentitzeko aukera emango diguna, Hernani martxan utzi izanagatik».