«Ez dut zuekin 24an dudan zita ahazten!»

Ttarla dantza taldeak aurten ere laguntza emango die Olen­tze­ro eta Mari Domingiri, Gabon gauean. Lan asko izaten dute opariak banatzeko, eta Ttarla­ren bitartez oha­rra bidali nahi izan die herna­niarrei Olentze­rok, jakinaraz­te­ko 18:00ak aldera iritsiko dela herrira, eta 19:00ak inguruan jarriko dela udaletxeko arku­petan, 20:30ak arte esktuitz eta mu­xuak ja­so­tzeko. Ondoren, etxez etxe opari guztiak garaiz banatzeko alde egin beharko du.
Denekin egoteko denborarik ez badu izaten ere, denekin gogoratzen dela azpimarratu nahi izan du: «Urtero bezala aur­tengoan ere heldu zaizkigu abenduko hotz eta euriak. Ho­ri­e­kin batera Ga­bo­netako jaiak ate joka dauz­kagu, eta lanez gai­nezka banabil ere, ez dut zu­ekin 24an dudan zita ahazten! 
Arratseko 18:00tan herriko dan­tzari eta musikarien kon­pai­nian Hernaniko kaleetan ze­har ibi­liko naiz, eta ondoren, 19:00ak aldera udaletxeko ar­ku­pe­etan zuen gutun eta muxu guztiak jasotzeko tartea izango dut.
Badakizue Euskal Herriko etxe guztietara heldu beharrean izaten naizela 24 gauealdean, eta guztia ongi atera dadin, aurtengo honetan ere ez naiz berandu arte geratuko uda­letxeko arkupeetan. Jende askok nirekin egon nahi izaten duzue egun berezi horretan, nik ere zuek guztiokin egon nahiko nuke. Beraz, jakin dezazuen, 20:30ak arte egongo naiz bertan zuen esperoan.
Laster arte Hernani eta ongi izan!».