Dokumental berri batekin datoz Hernani Errotzen elkartea eta Nabarralde Fundazioa. Aurten ekoitzi dute Memoria lekuak izeneko lana, elkarlanean, eta gaur aurkeztuko dute, hernaniarren aurrean. Iluntzeko 19:30etan izango da, Biterin.
Dokumentalaren aurrerapena egingo dute bertan, eta gaiari buruzko hitzaldia ere eskainiko dute: «oroimen edo memoria lekuak kontzeptuaren beraren esanahia hausnartu eta zabaldu nahi dugu».
Izan ere, diotenez, «gure iruditeri eta kulturari estuki lotutako kontzeptua izan arren, aski ezezaguna zaigu». Horregatik, gaia itzalpetik eta isiletik atera nahi dute, «berau kuestionatu, ezagutu eta geuretzako nola erabili proposatu. Geure historiari ekarpena egiteko, geure memoriaren ondareari. Geure iruditeri propioa balorean jarri, landu eta zabaltzeko saioa da hau», aurreratu dute.
‘Ezagutu Hernani’n parte hartu zutenek, saria gaur
Biterin bertan, bestalde, saria jasotzeko aukera izango dute, Ezagutu Hernani lehiaketan parte hartu zutenek. Beloagako gaztelua, memoriaren behatokia dokumentala jasoko dute opari, arratsaldeko 18:00etatik 20:30etara azalduta.
Zalantza dutenek edo bertaratu ezin dutenek, emaila bidali dezakete, helbide elektroniko honetara: herriaerrotzen@gmail.com.