Lan asko izan zuten herenegun, gabon gauean, Olentzero eta Mari Domingik, Euskal Herriko etxeetan opariak eta ikatza uzten.
Baina aurretik, geldialditxoa egin, eta Astigarragara iritsi ziren, Santiomenditik jaitsi eta herriko gaztetxoenak agurtzeko, Xaguxar aisialdi taldeak gonbidatuta.
Haiekin Gabonetako kantak abestu eta herrian zehar kale- bueltan dantzan ibili ziren.
Xaguxar aisialdi taldearen eskutik egin zieten bisita astigartarrei.
Eta bukatzeko, udaletxeko balkoira igo, eta bertan aritu ziren denak elkarrekin abesten. Astigarragako gaztetxoenek beren azken eskaerak egiteko aukera paregabea izan zuten baita ere.
Orain, haiek ekarritakoarekin gozatzeko unea da; datorren urtera arte!