Iaz errekuperatu zuten Astigarragako Inuxente Krosa, eta aurten ere egin dute. Igandean izan zen, eta Julen Santos eta Eva Esnaola izan ziren Inuxente azkarrenak.
38 partehartzaile
Denera, 38 korrikalarik hartu zuten parte helduen txapelketan. Julen Santos izan zen gizonezkoetan azkarrena, baina hurrengo biek ere, jaso zuten saria. Unai Iraola izan zen bigarren, eta Sergio Garzo, hirugarren.
Gauza bera, emakumezkoen kasuan. Eva Esnaolak izan zen txapelduna, eta June Montero eta Estitxu Ezkurra iritsi ziren, jarraian.
Horrez gain, sari berezia ere banatu zuen Mundarro Kirol Elkarteak. Fran Rivero astigartarrak jaso zuen, «beterano izan arren, gazteenaren sasoia» izateagatik. Duela urte asko dabil Rivero lasterketa herrikoietan, eta gainera, berak antolatzen du Santio festetako krosa.
40 gaztetxo, aurretik
Lasterketa nagusiaren aurretik, gaztetxoenen txanda izan zen. Sasoitsu egin zuten korri etorkizuneko 40 korrikalarik!