Iluntzeko 19:30etan manifestazioa egingo da Plazatik abiatuta, Sortu, LAB eta Ernaik deituta, Bada garaia. Presok kalera lemapean.
«Preso politikoen egoera larria» dela eta, mobilizatzera deitu dituzte herritarrak, «Espainian ematen ari den inboluzio demokratikoaren kontrako antidotorik onena euskal errepublikaren alde borrokatzea» delako. «Gerra danborrek ozen jotzen dute oraindik Espainiako estatuaren aldetik, eta demokrazia gero eta atzerago dago. Horren lekuko dugu duela bi hilabete jazo zen Karlos Apeztegiaren atxiloketa eta kartzelaratzea, bere kontra eraiki zen akusazioa. Errepresioa, a por ellos, 155. artikula... Hori da ‘marca Españatik’ datorkiguna», azaldu dute.
Era berean, gogorarazi dute ostiralean, hilak 28, giza katea egingo dela Plazan, eta hilaren 30ean Martuteneko kartzelara martxa egingo dela, 10:30etan Zinkoenetaik abiatuta.