Etxean jokatzeak indarra eman zion atzo Cisnerosi, eta Hernanik erakustaldi bikaina egin bazuen ere, ezin izan zion arerioari aurrea hartu; 43-36.
Hasi bezala, 12garren mi-nutuan zigor kolpe bati esker hiru puntu aurreratu zen Cisneros, eta 3 minutura, entsegua eta transformazioa lortu zituen. 23garren minutuan Hernanik ere lortu zuen entsegua, baina ez zuen transformatu. Atsedenaldiaren aurretik beste entsegu bat eta transformazioa lortu bazituen ere, madrildarrek bina egin, eta 24 eta 12koarekin bukatu zuten.
Bigarren zatian ere, hasi eta minutu batera entsegua eta transformazioa lortu zituzten etxekoek, 31-12; erantzun egin zuen Hernanik ere, 31-19; berdin berriro ere Cisnerosek, 38-19; eta berdin berriro Hernanik ere, 38-26, eta beste bat segidan, 38-33. Azken bultzada hori ez zen nahikoa izan ordea; hernaniarren aldeko zigor kolpe bat ere izan zen, baina Cisnerosek beste entsegu batekin azpimarratu zuen nagusitasuna: 43-36.
Sailkapenean 22na punturekin La Vila eta Cisnerosekin berdinduta, urtarrilaren 13ra arte, atsedenerako tartea du.