Errondetako kantuen atzetik, Olentzero

Bizkarrean hartuta, herriko txoko guztietara eramango du­te gaurkoan Olentzero hain­bat taldek, etxez etxeko erron­detako kantuak lagun. 

Ereñotzuko Txirrita es­ko­la­koak izango dira goiztia­rre­nak, 09:15etan aterako baitira. Segidan, gainontzeko ikas­tetxeetako ikasleak eta Goiz Eguzki abesbatza aterako dira goizean, eta eguerdiko 15:30e­tan, bertso eskolako kideak.

Olentzerorekin egoteko tartea, 20:30ak arte
Olentzero, arratsaldeko 18:00e­tan iritsiko da, eta oh­a­rra ere bidali die hernaniarrei, Ttarla dantza taldearen bitartez. «Ga­­bo­netako jaiak ate joka dauz­kagu, eta lanez gai­nezka ba­nabil ere, ez dut zu­ekin 24an dudan zita ahazten! 

Arratsaldeko 18:00tan he­rri­ko dan­tzari eta musika­rie­kin Her­naniko kaleetan ze­har ibi­liko naiz, eta ondoren, 19:00ak al­de­ra udaletxeko ar­ku­­pe­etan zuen gu­tun eta mu­xu guztiak jaso­tzeko tartea izan­go dut. Badakizue Euskal Herriko etxe guztietara heldu beha­rre­an izaten naizela 24 gaualdean, eta guztia ondo atera dadin, aur­tengo honetan ere ez naiz be­randu arte geratuko uda­letxeko arkupe­e­tan. Jende as­kok ni­re­kin egon nahi izaten du­zue egun berezi honetan, nik ere zuek guztiokin egon nahiko nuke. Beraz, jakin dezazuen, 20:30ak arte egongo naiz bertan zuen esperoan.

Laster arte Hernani eta ondo izan!».

Musika Banda ere, errondan
Olentzero agurtuta, 20:00etan Musika Banda aterako da, urteroko gabon errondan.

Eta musikak Gabonetan ere etenik ez duenez, Errege Ka­bal­ga­tan jarri du zita Ban­dak, hu­rre­na. Goiz Eguzkik ere, ur­ta­rri­laren 3an egoitzan kan­ta­tuko duela iragarri du, 19:00etan. 

GABON ERRONDAK

09:15, Gabon erronda Olentzerorekin Ereñotzuko Txirrita eskolatik aterata.
10:15, Gabon erronda Olentzerorekin Inmakulada ikastetxeak.
11:00, Goiz Eguzki abesbatzaren bisita Sandiusterrira, eta segidan kalejira.
11:00, Gabon erronda Olentzerorekin Langile ikastolak. Txantxilla plazatik atera eta Tilosetan bukatu.
11:45, Gabon erronda Oletzerorekin Elizatxo ikastolak; Elizatxo eta Portu auzoetan aurrena, eta Kaxkoan gero.
15:30, Gabon erronda baserriz baserri bertso eskolak, Biteritik aterata.
18:00, Olentzeroren etorrera eta kalejira, Ttarla dantza taldearekin.
20:00, Gabon gaueko erronda Herna­niko Musika Bandak, plazatik aterata.