ELA sindikatuak deitutako grebarekin bat egin dute Hernaniko zaharren egoitzako eguneko zentroko langileek, «patronala eta Gipuzkoako Foru Aldundiaren jarrera salatzeko, negoziaketan inolako urratsik ematen ez» dutelako. Bihartik abenduaren 31ra arte egingo dute greba, eta eskualdeko kontzentrazioekin egingo dute bat, hilaren 28an Villabonan, 11:30etan, eta 30ean Ordizian, ordu berean.