Azken egunetan bezala, gaur ere Gabon giroko hainbat ekitaldi izango dira, Gabon gauaren bezpera eguna dela agerian jarriz.
Batetik, txistorra probatu ezinik geratu denak, beste bi aukera izango ditu gaur: Portu auzoan, 12:00etatik aurrera, eta Lizeaga auzoan, Urumea ikastolako patioan, 12:30etatik aurrera. Horrez gain, batean zein bestean Gabonetako saskia zozketatuko da, eta Lizeagan, bestalde, saskia oparituko zaie Gabonetako balkoi, fatxada edo leiho apainena lehiaketako irabazleei.
Hori guztiaz gain, eguerdiko 12:00etan Milagrosatik kalera aterako da Kantuz abesbatza, kale-buelta egiteko.
Bihar, berriz, Olentzerorekin batera aterako dira hainbat talde, kalera, errondan.