Prezio erdia edo gutxiago ordainduko dute hernaniarrek, Galarretako sarreretan

Erremontea sustatzeko, lan­ki­­detza-hitzarmena sinatu zuen atzo, Galarreta kudeatzen duen Oriamendi 2010 enpresak, Her­naniko Udalarekin eta Kroni­ka­rekin. Helburua da, herna­nia­rren artean zabaltzea erre­monterako afizioa, ikusle be­za­la, edo kirola praktikatzen.

Eta horretarako, batetik, deskontuak egingo dizkiete, Galarretako jaialdietarako sa­rreretan: hernaniarrek, erdi pre­zioan edo merkeago izango dituzte sarrerak, %50 eta %60 arteko deskontuarekin. Horre­ta­rako, nahikoa izango dute nor­­tasun agiria erakustea, ber­tan Hernaniko helbidea ageri dela. Eta bestetik, haur eta gaz­­teen artean, erremontea­ren prak­ti­ka bultzatuko dute.

«Hernaniarroi dagokigu, kultur ondare berezi hau kontserbatu eta zabaltzea»
Luis Intxauspe alkateak adie­ra­­zi zuen, «Hernaniko kultur ondare berezia» dela erre­mon­tea: «guri, hernaniarroi, dago­ki­gu kontserbatzea eta zabal­tzea. Udalak, konpromisoa har­tu du erremontearen ezagutza eta, ahal bada, afizioa sus­ta­tze­ko, bereziki haur eta gaz­te­en artean». Horretarako, udal ki­rol udalekuetan eta Gazte­le­kuan aukera eskainiko diete, erremontea praktikatzeko.

Xabier Gonzalezek, Oria­mendi 2010eko ordezkariak, azaldu zuen «Hernani eta erre­montearen arteko lotura na­tu­­rala» indartzea dutela helbu­ru: «hain gertu egonda, ez dugu he­rriko inor utzi nahi gure ki­rolaz gozatzeko aukera gabe». Horregatik, hernaniar guztiei luzatu zien gonbitea: «Gala­rre­­tara hurbil zaitezte, erremon­tea ezagutu, praktikatu eta go­zatzeko», nabarmendu zuen. Eta hiru eragileen arteko elkar­lana goraipatu zuen: «azken finean, Udala da herritarren ordezkaria; eta Kronika, jen­dar­­tera iristeko medio zuze­ne­na».

Azkenik, Leire Goñik, Kro­ni­kako ordezkariak, eskerrak eman zizkion Oriamendiri, be­raiekin gogoratzeagatik: «Kro­ni­karen oinarrizko helbu­rue­ta­ko bat da herri kohesioan era­gitea, eta horretarako, oina­rri­e­­tako bat da gure ondarea. Ber­tako harribitxi bat da erre­mon­tea, eta garbi daukagu, ezagu­tzera eman behar dela, ezagu­tza horrek eragiten duelako mai­tatu, zaindu eta zabaltzea».

Hitzarmena sinatuta, erre­montea sustatzeko konpro­mi­soa hartu dute, hiru aldeek. 

Erremontearen Eguna etzi, abiapuntua

Doako jaialdia izango da larunbatean: partidu bereziak, musika eta luntxa.

Hitzarmenak jasotzen di­tu­en ekimenak, hernaniarren­tzako deskontuak barne, etzi jarriko dira martxan, larunbatarekin. Izan ere, denboraldiari hasiera emateko, Erremontearen Eguna ospatuko dute, 16:30etan hasita, Ga­larre­tan. Sarrera, doakoa izango da, guztientzat.

Hiru partidu jokatuko di­ra. Aurrenekoaren ondoren emango diote saria B mul­tzo­ko erremontista erregularrenari. Gero, estelarraren ondoren, A multzoko erregularrenari emango diote sa­ria, eta Urrezko Erremontea ere banatuko dute, orduan. Eta musika eta dantza emanaldi berezi baten on­do­ren, partidu ezberdin bat jokatuko da; «inoiz ikusi ez den partidu bat».

Festa borobiltzeko, luntxa eskainiko dute, bertaratutako guztientzat. Zozketak ere izango dira, jaialdian zehar.