‘Goizueta Internazionala’ festa gaur, eskolako jangelan

Nazioarteko festa ospatuko dute gaur Goizuetan, azaroko eta abenduko kultur agendaren azken txanpan. Goizueta Internazionala deitu diote, eta Xalto eskolako jangelan elkartuta, arratsaldeko 18:00etan, hitzaldi batekin emanen diote hasiera: Gure etxe­etan lanean ari diren Hon­du­ras eta Ni­ca­ra­guako emakumeen testigantzak. 
Hitzaldia bukatzen denean, ome­naldia eginen die Goi­zu­e­tako Udalak, emakume horiei. Eta ondoren, herrialde desberdinetako janaria dastatzeko aukera egonen da, eskolako jangelan bertan.
Festa antolatzeko, elkarlanean aritu dira Goizuetako Udala, Kultur Taldea eta Gi­zarte Zerbitzuak: «eta noski, herrian bizi diren etxeetako emakume zaintzaileak. Buru belarri aritu dira lanean, festa antolatzeko», azaldu dute.

‘Olentzero eta subilaren lapurreta’ filma, bihar zortzi
Kultur agendari bukaera ema­nen dion ekintza, urtearen az­kenaurreko egunean izanen da, abenduaren 30ean. Hau­rrentzako zinea izanen da az­keneko ekintza hori, eta data hauekin lotutako filma jarriko dute: Olentzero eta subilaren lapurreta. Udaletxeko gan­baran izanen da, arratsaldeko 17:00etan hasita.