Hasiera ona eman dio Aimar Olaizola goizuetarrak, Jon Ander Albisu ataundarrarekin bikotea osatuta, Binakako Txapelketa Nagusiari. Lau partidutik hiru irabazi dituzte orain arte, eta aurreneko postuan berdinduta daude, Elezkano II eta Rezustarekin.
Eta hain justu, asteburu honetan, elkarren kontra ariko dira bi bikoteak. Bilbon izanen da hori, Bizkaia frontoian, arratsaldeko 17:00etan hasiko den jaialdian. ETBk zuzenean emanen du partidua.
Irabazten duen bikotea, sailkapeneko lider izanen da; baina oraingoan, inorekin konpartitu gabe.