Bolada onarekin jarraitzeko aukera paregabea izango du bihar preferenteen mailako Mundarrok etxean. Arratsaldeko 18:15etan Zarkumendegin hartuko du Berako Gure Txokoa taldea.
Irabazteko aukera
Sailkapen orokorrean azkenaurrekoa da egun Gure Txokoa, eta Mundarro, aldiz, bigarren dago, Andoaingo Euskaldunaren azpitik.
Horrez gain, oso bolada onean dago Mundarroko mutilen talde nagusia; sei talde garaitu ditu, jarraian eta zazpigarren garaipena lortzera aterako da bihar etxeko zelaira.
Ate irekiak, ostiralean
Mundarroko futbol sailak ere, beste zita bat dauka datozen egunetarako. Futbol eskolaren ate irekiak antolatu ditu hurrengo ostiralerako, hilaren 28rako. 16:30etatik 18:30etara izango da, 2007-2011 bitartean jaiotakoentzat. Informazio gehiagorako: campusmundarro@gmail.com, astigarragakomundarrofke@gmail.com, 617 633 955 edo 943 333 676.