Otsailean eman zion hasiera Euskara Ari Du elkartean Baietz Hernanik! euskerari eusteko erronkari, eta 11 hilabete eta 1000 pasa erronkalari batu ondoren, bihar emango diote bukaera, festa haundiarekin. Eguerdiko 12:30etan izango da hori, Biteri kultur etxean.
Gonbidatu bereziak eta guzti
Miren Gojenola aktoreak aurkeztuko du ekitaldia, baina Irati Sarasua eta Aitor Altuna ere izango ditu bidelagun aurkezle-lanetan. Gure Zirkuan ibili den Asier Kidam magoa ere izango da bertan, baita Kilimak musika-taldea eta Zigor DZ disko-jartzaileak ere parte hartuko dute.
Ekitaldiaren ondoren, hamaiketakoa eskainiko diete bertaratzen diren guztiei.
Urte osoan egindako lana azpimarrako dute ekitaldi horretan, eta aprobetxatuko dute erronkalari guztiei eskerrak emateko.