Eskolako Agenda 21 programaren bueltan 2017an sortutako ideia martxan dago: Hernanin diseinatu eta fabrikatutako bizikletentzako aparkaleku berriak jartzen hasiak dira, dagoeneko.
Lanbide Heziketako Gizarte Berrikuntzako LHII zentroko ikasleek egin dituzte, Udalarekin elkarlanean, mugikortasun jasangarriaren alde.
Denera, sei modulo
Moduloetako batzuk jarri dira dagoeneko; txikiak: atletismo pistan, Ave Maria haur parkearen ondoan, eta haundiak, Ave Maria parkeko etxearen ondoan eta Biterin. Beste modulo txiki bat Ereñotzun jarriko da laster, eta beste bat, oraindik erabaki ez den lekuren batean.