Gabonetarako egitarau berezia prestatu du Gaztelekuak, Udaleko hainbat sailek elkarlanean antolatutako Neguko Oporraldietarako egitarauaren barruan. Bihar Biterin jarri dute zita, 16:30etan, Santo Tomas eguna ospatzeko. Etzi, berriz, 17:30etan Gaztelekuan bitxigintza tailerra izango da, aditu batek gidatuta. Bestalde, ekitaldi gehiago izango dira, doan eta libre, baina batean izena eman behar da: hilaren 28an eskalada egiteko, 2 euro eta gurasoen baimena eraman behar dira lehenbailehen Gaztelekura.