Bertsolari gazteekin hasiera gaur, Bertsolatari

Gaurkoa aurtengo Bertso­la­tako bi jaialdietan aurrenekoa izango da. Izan ere, aurten, bi egingo dira. 

Gazteak ariko dira, ilun­tzeko 20:30etan hasita Kontra­kan­txa Gaztetxean.

Bertsoak eta sariak
Berria izango da gaurko bertso saioa, Bertsolataren barruan. Bertso Eskolako gazteek eman­­go dute, debalde, 20:30e­tan hasita Kontra­kan­txa Gaz­te­txean; Beñat Mujika, Andoni Mujika, Joanes Illa­rre­gi, Irati Majuelo, Haritz Mujika eta German Urteaga izango dira bertsolariak.

Horrez gain, antolatzaileen esanetan «aurten sasi-ber­tso­larien artean antolatutako ber­tso-paper lehiaketako sa­riak ere banatuko dira. Emai­tza txukuna izan da, au­rre­ne­ko urtea izateko». Da-Da-Da lehiaketa da. Lehendik eman­da­ko gaien bueltan; parte-har­tzaile bakoitzak 5 eta 8 bertso artean idatzi behar izan ditu.

Jaialdi  nagusia, hilaren 29an
Bigarren jaialdia hilaren 29an egingo da, 19:30etan Sandius­terrin. Bertsotan ariko direnak izango dira Maialen Lujanbio, Agin Laburu, Oier Iurramendi, Beñat Iguaran, Miren Artexe eta Beñat Gaztelumendi. Saio honetarako sarrera erosi be­harko da, baina egunean bertan, saioa hasi aurretik ja­rriko dituzte salgai, San­dius­terrin.

Ohitura zaharrei ere, eutsi
Aurtengo Bertsolatan be­rri­kun­tzarik falta ez bada ere, Iraulio Panttalone Bertso Es­kolak ez die izkin egin ohitura zaharrei ere. Horrela, aste­le­henean Olentzerorekin ibiliko dira baserriz baserri katnuan, 15:30etan Biteritik aterata, eta urte zahar egunean errondan aterako dira.