Partidu onak jokatu dituzte pelotari hernaniarrek azken jardunaldian, eta 12 irabazi eta 5 galdu dituzte.
Emaitza garrantzitsuenen artean, Gipuzkoako Trinkete Txapelketakoa nabarmendu ditu elkarteak: Unax Uitzi, Anartz Oiartzabal eta Xabier Salaberria kadeteek irabazi egin zuten Gaskan, eta hirurak pasa dira finalera.
Hernaniko Gabonetako Txapelketari dagokionez, Salaberria-Insausti eta Arizmendi-Altuna bikoteek irabazi egin zituzten partiduak, eta jardunaldi baten faltan, finalerako sailkatuta daude Xabier Salaberria aurrelaria eta Josu Altuna atzelaria.
Kontrako emaitzen artean, Xuban Iturbe infantilarena dago; Gipuzkoako Errendimendu Txapelketan 2 eta 1 galdu zuen Aloña Mendiren kontrako final laurdena, eta kanporatua izan da. Dena den, egindako lan ona nabarmendu du klubak.