Alternaktiben Astea izan da hau, Iturola Elkarlan Sorgunean; eta gaur emango diote bukaera, egun nagusiarekin. Hiru ekintza antolatu dituzte, horretarako. Aurrena, 11:00etatik 14:00etara, Alternaktiben Tour Umoristikoa egingo dute Barretartiaren eskutik, Iturolan hasi eta Hernaniko gune alternatibo ezberdinetatik igarota. Gero, 14:00etan, herri bazkaria egingo dute, Iturolan bertan. Izena eman behar da, www.iturola.eus webgunean edo info@iturola.eus helbide elektronikoan. 8 euro dira; langabetuentzat 4 euro, eta haurrentzat doan.
Eta azkenik, Alternaktiben Azoka jarriko dute, 16:00etatik 20:00etara, Iturolan bertan.