Kontzertuetatik tailerretara, Olentzero aitzaki

Musikak iragarriko ditu Ga­bo­nak Goizuetan eta Aranon. Izan ere, etxez etxe kantuan aterako dira Olentzero bizkar gai­nean har­tuta. Gabon egu­nean iza­nen da hori, hilaren 24an. Ara­non, goizeko 09:00ak aldera ja­rri dute zita. Goizue­tan, berriz, bi zita jarri dira: goizean, Xalto eskolako ikas­le­ak aterako dira, eta arra­tsal­dean, urtero bezala, Olentzero bizkar gainean har­tu­ta ibiliko dira herritarrak, he­rri osoan zehar.

Olentzero iritsi baino lehen, or­dea, entzunen dira Gabon doi­nuak. Eta bestelako ekin­tzak ere izanen dira hurrengo egunetan.

Umore Ona abesbatzak kontzertua, Hernanin eta Goizuetan
Hain zuzen, Gabon doinuak jar­­tzen aurrenekoak Goizue­ta­ko Umore Ona abesbatzako ki­de­ak izanen dira. Abenduaren 23an, eguer­dian kantatuko du­te, Ima­­­nol Kamiok zuzentzen du­en Doi­nu Zale eskolako akor­de­oi-joleek eta Ozenki abes­batzak lagunduta.

Bezperan, abenduaren 22­an, Hernanin ariko dira Doinu Za­le­ko orkestra eta abes­batzak, Her­­naniko Musika Bandarekin ba­te­an emanen duten kontzer­tu­an; bertan har­tuko du parte Umo­re Onak ere. Hernaniko San Joan Bataia­tzai­lea elizan iza­nen da, iluntzeko 20:00etan.

Umeentzat tailerrak, Aranon eta Goizuetan
Opor egunetarako, berriz, gaz­te­txoentzako ekintzak antolatu dira. Euskara Zerbitzuak anto­la­tuta, 3 eta 14 urte bitarteko haurrentzako tailerrak eginen dira; Goizuetako eskolan aben­du­a­ren 26 eta 27an, eta Ara­no­ko Maisuenean, abenduaren 28an. Goizuetarren kasuan, urtarrilaren 3an ere beste tailer egun bat antolatuko da nahi­koa jendek izena emanez gero.

Izenematea asteartean bu­ka­­tuko da. Eskolan banatu di­tuz­te izena emateko orriak, eta bertan jasoko dira.

Tailerrak goizetan eginen dira, 10:00etatik 13:00etara: jo­ku­ak, eskulanak eta beste hain­bat ekintza izanen dira au­keran. Saio bakoitzeko 5 eu­ro ordaindu beharko dira.

Urtea agurtzeko, musean
Helduagoentzako ere ez da fal­tako entretenimendurik. Ho­rre­la, Umore Ona elkarteak mus txapelketa antolatu du urtarrilaren 31rako, Goizuetan. Arratasaldeko 16:00etan hasiko da, eta momentuan eman ahal izanen da izena: bikoteko 10 euro. Sari potoloak izanen direla-eta, inguruetako mus­lariak ere gerturatzea espero dute.