Xabier Lertxundi izango da EH Bilduren alkategaia, maiatzeko Udal Hauteskundeetan; eta bere hautagaitza aurkezteko, ekitaldia antolatu dute gaur, eguerdiko 12:00etan, Biterin. Ekitaldian izango dira, Maddalen Iriarte legebiltzarkidea, eta Juan Karlos Izagirre, Gipuzkoako ahaldun nagusi izateko EH Bilduren hautagaia.
Aurretik, bilera deitu du EH Bilduk, 09:00etatik 12:00etara, Andre Kaleko bilgunean. Aztertuko dute 2015-2019 legealdirako aurkeztutako herri programa, eta hurrengo 4 urteetakoa lantzen hasiko dira.