Urteko azkenaurreko partidua jokatuko du Mundarrok gaur, arratsaldeko 15:30etan, Irunen. Dunboa Eguzkiren kontra ariko dira moreak, San Jose Obrero zelaian, eta garaipena lortzeak, beste pauso bat emateko aukera emango die astigartarrei, beharbada. Izan ere, sailkapenean bigarren dago Mundarro, 30 punturekin; eta elkarren kontra jokatuko dute Euskalduna liderrak (36 puntu) eta Vasconia hirugarrenak (28 puntu), Donostian, Vasconiaren zelaian.