Astebeteko atsedenaren ondoren, bi garaipenekin bukatu nahi du urtea, Mundarrok, mutilen Gipuzkoako lehenengo mailan. Eta bi horietan aurrenekoa, gaur bertan bilatuko du, Take Orbela taldearen kontra, etxean.
Arratsaldeko 18:00etan hasiko da partidua, kiroldegian, eta ligako azkeneko sailkatua hartuko dute astigartarrek. Beraz, aukera ederra daukate, balantzea positiboan jartzeko: bost garaipen eta beste bost porrotarekin daude orain.
Azpeitian jokatuko dute urteko azkeneko partidua, datorren asteburuan, Errotaundi ISBren kontra; eta urtarrilaren 12 edo 13ra arte, atseden hartuko dute gero.
Bolada onarekin jarraitzeko asmoz, neskak
Astebeteko atsedenetik bueltatuko da, nesken Gipuzkoako bigarren mailako taldea ere. Eta asmo garbi batekin itzuliko dira kantxara: bolada onari segida ematera. Ligako aurreneko lau partiduak galdu ondoren, azkeneko hiruak irabazi dituzte astigartarrek.
Eta beste garaipen bat bilatuko dute gaur, Ordiziaren kantxan, arratsaldeko 16:00etan hasita. Bi garaipen gehiagorekin dago talde goierritarra; gerturatzeko aukera ona, beraz.