Izenematea zabalik, bihar zortziko Inuxente Krosean

Herriko kaleetan barrena ko­rrika arituko dira aurten ere,  makina bat inuxente. Abendua­ren 23an antolatu du Inuxente Krosa Mundarro Kirol Elkar­te­ak, arratsaldeko 16:00etan ha­si­ta, Kale Nagusian.

Ordu horretan abiatuko dira haur eta gaztetxoen lasterketak, eta adinaren arabera, distantzia eta ibilbide ezberdina osatuko dute, multzoka. Hau­rrek, egunean bertan emango dute izena, eta doakoa  izango da partehartzea, haientzat.

Helduen lasterketa, berriz, 17:00etan hasiko da, eta 6 kilometroko ibilbidea osatu beharko dute partehartzaileek. Izene­matea dagoeneko zabalik dago, kiroldegian, 5 eu­roan. Egunean bertan ere izango da apunta­tzeko aukera, irteeran, 7 euroan. Mundarroko bazkide eta kirolarientzat, doakoa izango da.