Abenduaren hasierarekin batera, hasi da Sahararen aldeko Euskal Karabana, ohi bezala, Piztu Itxaropena izenburupean; aurten, hamabosgarren edizioa da.
Abenduan eta urtarrilean zehar herriko eskoletan eta Biteri kultur etxean izango da aukera elikagaiak emateko (bakoitzaren ordutegien barruan). Baina supermerkatuetan ere izango dira, hainbat asteburutan. Datorren hau izango da aurrenekoa; hain zuzen, ostiral eta larunbatean izango dira boluntarioak herriko saltokietan. Urtarrilean, beste asteburu bat ere zehaztu dute, 25 eta 26koa.
Sei elikagai, eta konpresak
Urtero bezala, elikagai zehatz batzuk eskatu ditu Sahararen Aldeko Euskal Karabanak. Horiek sei dira: arroza, pasta, lekaleak, eta atuna eta sardinak oliotan. Elikagaia ez bada ere, konpresak ere beharrezkoak direla azaldu dute.
Aurreko urtean, arrakasta
Arrakastatsua izan zen aurreko urteko edizioa, hain zuzen, 6.528 kilo jaki jaso ziren, eta hori berdindu nahian ibiliko dira, antolatzaileak. Otsailean jakingo da, hori.