Ekonomia sozial eta eraldatzailearen bueltan, Alternaktiben Astea antolatu dute Iturola Elkarlan Sorguneak eta Beterri-Buruntzako Udalek, tartean, Hernanik, aste honetarako. Gaur hasiko dituzte jarduera bereziak, energia burujabetzaren gaia lantzen.
Bihar, Beterri-Buruntza saretzen jardunaldiak izango dituzte, eta bertan ezagutuko dituzte hainbat tokiko ekimen. Eta etzi, proiektu zehatz bat bisitatuko dute Lasarte-Orian: Dekosocial.
Larunbatean izango da, ordea, egun haundia. Alternaktiben Tour Umoristikoa egingo dute goizean, herrian zehar. Ondoren, bazkari herrikoia izango da (oraindik izena eman daiteke); eta bukatzeko, Alternaktiben III. Azoka egingo dute, Iturolan, arratsaldeko 16:00etatik 20:00etara.
EGITARAUA
GAUR, Energia Burujabetza
- 17:00-19:00, Fagollaga zentral hidroelektrikora bisita. Goiener. Izenematea: info@ingutek.eus.
- 19:00-20:30, Gure faktura elektronikoan nola aurreztu? Tailerra. Ingutek.
BIHAR, Beterri-Buruntza saretzen
- 16:00-18:00, Jardunaldiak. ESE saretzen estrategiaren aurkezpena. Batura/Koopfabrika aurkezpena. Koopfabrika/’Kontsumo arduratsua jauzi’ liburuxkaren aurkezpena. Iturola.
ETZI
- 12:00-14:00, Dekosocial (Altzari birziklatuak balio sozialarekin) proiektua ezagutzera bisita. Lasarte-Oria. Sutargi SAL.
LARUNBATA, Alternaktiben Lurraldea
- 11:00-14:00, Alternaktiben Tour Umoristikoa: Iturola, Errapia, Karabeleko, Herri Gunea, Plaza Feminista.
- 14:00, Bazkari herrikoia Iturolan. Izenematea: info@iturola.eus. Prezioa: arrunta, 8 euro; langabetuak, 4 euro; haurrak, doan.
- 16:00-20:00, Alternaktiben Azoka Iturola Elkarlan Sorgunean.
Informazio gehiago: Iturola Elkarlan Sorgunea edo info@iturola.eus.