Partidu zaila zuten aurretik, eta ezin izan zuten ezer egin; 12-45 (b) galdu zuen atzo Ohorezko Mailako Hernanik, El Salvador Ligako liderraren kontra. Hirugarren porrota da, jarraian eta egoera zailean uzten ditu hernaniarrak, bueltakoaren aurrean.
Entseguak, aurrenekoan
Joaneko azkeneko partidua zuten trikoloreek, eta indartsu hasi zuten. Bigarren minutuan egina zuten aurreneko entsegua Valladolidekoek, baina segituan erantzun zieten etxekoek, 7garrenean [5-5]. Hortik aurrera, aldiz, El Salvador geldiezinik egon zen, eta beste lau egin zituen, segidan, transformatuta lauak. Aurreneko zatia bukatu aurretik lortu zuen beste entsegu bat Hernanik, transformatu zuen, baina ez zuen gehiago egiterik izan, Valladolidekoen aurrean.