Idi parea, garai bateko gurdiari tiraka arratsaldean iritsi zen Astigarragako Herri Eskolara, asteazkenean, eta umeek lagunduta egin zuen Lizeaga sagardotegi parerainoko bidea. Han, baserriko produktuekin eta sagardoarekin kargatu zuten ‘Ala’ ibaiko ontzia, eta ostegunean Donostian egin zen deskarga, Bulebarreko Sagardo Apurura eramateko.
Ostegunean hasitako Sagardo Apurua jaialdiari gaur eta bihar ere emango zaio segida Donostiako Bulebarre-an. Gaur, goizeko 10:30etan, 2018ko uzta aurkeztuko dute, hain zuzen, urtarriletik aurrera txotx denboraldian dastatu ahal izango dena.
Sagardoaren lurraldeko hiriburutik Gipuzkoakora helarazi dute egun hauetarako mota guztietako sagardoa: Sagardo Naturala, Euskal Sagardoa Jatorri Deitura, Sagardo Apardunak, Sagar Zukuak, Kriantzak eta Sagardo Ekologikoak. Laster izango dira aukeran, txotxetik ere.
V. Sagardo Apurua
GAUR
10:30, Zazpi lurraldeetako 2018 uztaren aurkezpena.
11:30, Umeentzat tailerrak.
14:30, Bazkari gidatuak KM0.
18:00, Erromeria Estanga anai-arrebekin.
BIHAR
12:00, Herri kirol saioa: Ostolaza aita-alabak eta Irati Aiztondo eta Aitzo Atutxa aizkolariak.
12:45, 13:30 eta 14:15 Sagardo dastaketa Mikel Garaizabalekin.