Aurreneko sariketa pasata, bigarrenean parte hartzeko aukera eman du Udalak, 12 eta 18 urte bitarteko gazteei zuzendutako Azstigazte lehiaketan. Oraingoan, ‘Maitasuna eta laguntasuna’ jarri dute gaia, eta parte-hartzaileek, banaka edota taldeka, aurkeztu behar dituzte aurkezpen eskutitza, lan idatzia eta irudia, eta, azkenik, ahozko defentsa egin beharko dute. Astigarragako eta Buruntzaldeako gazteek hartu dezakete parte, bi kategoriatan: 12-14 urte artekoenean eta 14-18 urte artekoenean. Irabazlearentzako sariak 400 eta 200 eurokoak izango dira, hurrenez hurren. Oinarri guztiak www.astigarraga.eus webgunean ikusi daitezke, eta lanak aurkezteko azken eguna datorren osteguna, abenduaren 13a izango da.