Emanaldi berezia izango da Alboka taldeak abenduaren 13an Biterin emango duena, 25garren urteurreneko birari hasiera emango baitiote bertan Alan Griffin eta Joxan Goikoetxeak, hainbat lagunekin batera. Bi protagonisten akordeoi, perkusio, txirula, alboka, flauta, boha, klarinete eta abarrez gain, bertan entzungo dira Iosune Marinen mandolin, gitarra eta ahotsa; Julio Andraderen kontrabaxua; Xabier San Sebastianen ahotsa eta gitarra; Juanjo Otxandorenaren bouzukia; Iraide Ansorenaren perkusioa edota Arkaitz Minerren biolin eta mandolina.
Emanaldia 20:00etan hasiko da, eta sarrerak salgai daude 7,5 euroan, baina Kronikak 3 bikoitz zozketatuko ditu.
Sarrerak doan, zozketan parte hartzen dutenentzat
Kultura sailak oparitutako hiru sarrera bikoitz horietako bat eskuratu nahi duten Doberako bazkide edota Kronikalariek, asteartera arteko epea daukate zozketan parte hartzeko.
Nahikoa izango da albiste honi www.kronika.eus webgunean iruzkin bat egitea, edo Kronikako bulegotik pasa eta bertan jarritako kutxan harremanetarako datuak uztea.